സ്നേഹം

സ്നേഹം


സ്നേഹിക്കുവാനായ് പിറന്നവര്‍ നാം..!

സ്നേഹം നിലക്കാത്ത ശാന്തി ഗീതം..
സ്നേഹത്തിനില്ലില്ലാ  ജാതിമതങ്ങള്‍..!

സ്നേഹത്തിനില്ലാ  വര്‍ണ്ണഭേതം..! 


ഒരു നാളില്‍ അറിയാതെ വന്നുചേര്‍ന്നു..
ഒരു നാളില്‍ ഓര്‍ക്കാതെ യാത്രയാവും..!
ഇടയില്‍ നാം  ആര്‍ത്തിയാല്‍ കരുതിവെച്ച -
തിടവേള തീരുമ്പോള്‍ അന്ന്യമാവും..!


കാരുണ്യം തേടി കരങ്ങള്‍ നീട്ടി
കാതര ഹൃദയവുമായി നില്‍ക്കും
കൂടപ്പിറപ്പിന്‍റെ   ജീവനിലിത്തിരി
സാന്ത്വന തീര്‍ത്ഥം തെളിച്ചിടുമ്പോള്‍

കണ്ണുനീര്‍ വറ്റിയ  മിഴികളിലാര്‍ദ്രമാം 

കനിവിന്‍ നിലാവായ് നിറഞ്ഞിടുമ്പോള്‍..
എത്രമേല്‍ ധന്യം ഈ ചെറുജീവിതം...
മറ്റുള്ള നേട്ടങ്ങള്‍ വ്യര്‍ത്ഥമല്ലേ..!


ബുദ്ധനും ക്രിസ്തുവും കൃഷ്ണനും ഗാന്ധിയും 
ചൊല്ലിയതീ സ്നേഹ മന്ത്രമല്ലേ..
വിശ്വഹൃദയത്തില്‍  നിത്യം മുഴങ്ങുന്ന
വിസ്മയ നാദവും സ്നേഹമല്ലേ..!

സതീഷ്‌  കൊയിലത്ത്

പാലക്കാട്
Mob: 9961886562

പൊള്ളുന്ന കാലം - (കവിത) - A.K രാജി

സ്നേഹത്തൂവല്‍

സ്നേഹത്തൂവല്‍

ആര്‍ദ്രമാം ഹൃദയത്തില്‍

ഒഴുകി സ്നേഹത്തിന്‍ ഗാനം

ഒരു നിലീമയാം മധുഗാനം

മൃദുല  സ്വരമാം തന്ത്രികള്‍ മീട്ടി

ഒഴുകി സ്നേഹത്തിന്‍  ഗാനം

ശോകമാം വിപഞ്ചികയില്‍

ഒരു നേര്‍ത്തതലോടലായി നിന്‍ ഗാനം

ഒരു സ്നേഹനിശ്വസമാം ഗാനം

- സൌമ്യ അയ്യര്‍ 

" ഫിസിക്കലി ഡിസേബിള്‍ഡ് "

(സര്‍ .സ്റ്റീഫന്‍ ഹോക്കിന്‍സും ബീഥോവനും മറ്റും പറയുന്നു)

ചക്രക്കസ്സേരക്ക് കൈക്കരുത്തേകി
ചക്രവാളത്തില്‍ മരുപ്പച്ച തേടി
പ്രപഞ്ചവ്യാപ്തം മനക്കോലാലളന്ന്
പ്രവാഹമാം കാലം അതെന്തെന്നു ചൊല്ലി

കാണാക്കാഴ്ച്ചയില്‍ സ്വപ്നങ്ങള്‍ പാകി
കൈകളെത്താപ്പൊക്കത്തില്‍ ഗോപുരം കെട്ടി
ദേഹമെത്തായിടം മനക്കുതിരമല്‍ താണ്‍ടി
കാതിലെത്താധ്വനിക്കൊത്ത് താളം ചവിട്ടി
നാവു പാടാപ്പാട്ടിന്റ്റെ ഈണം മുഴക്കി
ആവതില്ലാക്കമ്പൂന്നി ഹിമശൈലമേറി
അസാധ്യമാമേതും സുസ്സാധ്യമെന്നാക്കി

ഓടാതെ ഓടി, കാണാതെ കണ്ട്
പോകാതെ പോയി, കേള്‍ക്കാതെ കേട്ട്
പാടാതെ പാടി, തേടാതെ നേടി

ജന്മ മത്രയും ജീവിപ്പവന്‍ ഞാന്‍
നന്മയെത്രയും ശീലിച്ചവന്‍ ഞാന്‍

നീയോ.....?

(ക്ഷമിക്കുക..തലക്കെട്ട് തിരുത്തിക്കുറിക്കട്ടെ ഞാന്‍ . "ഡിഫറന്റ്റ്ലി ഏബിള്‍ഡ്"-എന്ന് വായിക്കുക)

ഞങ്ങളും ജീവിക്കട്ടെ ..

എല്ലാം മറന്നു കുതിച്ചോടും

നിങ്ങളെല്ലാം കാലത്തിനോടൊപ്പം 

കടമകളൊക്കെ കടമ്പകളായി   

വന്നു നീര്‍മിഴിനിറക്കുന്നു 

വേപഥുതു തൂകി വിധിയെ പഴിച്ച്

ഒടുക്കുന്നു ജീവിതമത്രയും 

ചരിക്കാനാവാതെ ചിരിതൂകി  

വിരക്തമാവാത്ത മനസ്സിന്‍ ബലത്തോടു

ജന്മ  പാപങ്ങളെ ഒക്കെ മറന്നങ്ങു 

ഇഴഞ്ഞു നീങ്ങുന്നു വായിക്കു ഇരതേടി 

അറപ്പോടെ വെറുപ്പോടെയകറ്റുക വേണ്ട ഒരിക്കലും      

ലോകമേ വേണ്ടെനിക്കു സഹതാപ വാക്കുകള്‍ 

വേണ്ടത്  അല്‍പ്പം കാരുണ്യം മാത്രം 

കരുതുക  ഞങ്ങളും ഈ ഭൂമിതന്‍ 

തുല്യ അവകാശികളെന്നു

GR KAVIYOOR

+919987537445/+918898006645

ഹൃദയ രാഗം

ജീവ രക്തം വാര്‍ന്നൊഴുകുന്നു
ജനിതക കണങ്ങള്‍  അശ്രു പൂജനായ് ഇന്നും
ജനനിയെ മെതിക്കുന്നു പാദാംഗുരങ്ങള്‍ 
ജീവിത യാത്രയില്‍  കയ്പുനീര്‍ നുകര്‍ന്നും
അന്നും അവനുടെ ആയൂസിന്റെ അന്ത്യം  അടുത്തറിഞ്ഞ്
കഴുകന്മാര്‍  ചുറ്റും  നിരന്നുവോ
ആലംബ  ഹീനനായ്  കേഴുന്നു അനുദിനം
അനന്തമാം ജീവിതം സാഫല്യമാക്കുവാന്‍
കാന്തിയായ്  സ്ഫുരിക്കുന്നു കൂര്‍ത്ത മുനകള്‍  കൊരുക്കുന്നു
കാരിരുമ്പാണികള്‍ നെഞ്ചില്‍  തറയ്ക്കുന്നു
കാണുന്നു കയ്പിന്റെ  പാനീയ കലശങ്ങള്‍
കാന്തിയായ്  നല്‍കിയ  കാന്ത മുനകളില്‍
വെറുക്കുന്നു യെന്റെയാ ജീവന്റെ പൈത്യകം
വെറുക്കാതെ  കഴിയില്ല  പ്രാണ നിശ്വാസ്യമേ
വെറുതെ കരിയ്ക്കും മന്‍ച്ചെട്ടിയിലെന്‍
വിശപ്പിന്റെ  അറുതി വരുത്തുവാന്‍  കഴിഞ്ഞെങ്കിലോ
വെറുക്കുന്നു എന്റെയാ  ജീവന്റെ ചലനവും
എന്നെ മറന്നെങ്കിലെത്ര ധന്യം                                       
                       

                           ജ്യോതികുമാര്‍ , എരുത്താവൂര്‍ , ബാലരാമപുരം

വരള്‍ച്ച

വരള്‍ച്ച തന്‍ വരവറിഞ്ഞു
പഞ്ഞത്തിന്‍  പ്രാണ നിലവിളി തന്‍  വരവറിഞ്ഞു
പച്ചയാം വയല്‍ പാടങ്ങള്‍ വരണ്ടുങ്ങി
വരണ്ട വയല്‍  കര്‍ഷകന്റെ  വയറുണക്കി
 ഒരു തുള്ളി  വെള്ളത്തിനായ്‌  പായുന്നു ജീവികള്‍
പക്ഷിയും , പറവയും  പരന്നാത്തീ -
ച്ചൂളയില്‍  കരിഞ്ഞു  വീണു
അസ്ഥികല്ക്കുള്ളിലെ  വെള്ളം വറ്റി
അസ്തമിക്കും  സൂര്യന്‍  നിറഞ്ഞു കത്തി
അസ്ഥി പഞ്ചരമാം  മനുഷ്യന്റെ  നെഞ്ചു കത്തി
അമ്മിഞ്ഞ പാലിനായി കരയുന്ന കുഞ്ഞുങ്ങള്‍
അസ്ഥിയല്ലാതെ  ഒന്നുമേ  ആ അമ്മതന്‍  ദേഹത്തില്ല തന്നെ
അസ്ഥി പഞ്ചരമാം കുഞ്ഞു തന്‍ നാവു വറ്റി
 ആ അസ്ഥിയാം കൂടാരങ്ങള്‍  കൂട്ടത്തോടെ മറിഞ്ഞീടുന്നു
ഇതെല്ലാം കണ്ടു  അസ്തമിക്കും  സൂര്യന്‍  ചിരിച്ചീടുന്നു
                                                                                     
രാജേഷ് .സി .കിഴക്കേടത്ത്
കോട്ടയം